Արժեթղթերի շուկայում գործառնություններ


Մեր գործունեությունն ուղղված է ներդրողների պահանջներին համապատասխան ներդրումային արդյունավետ լուծումների մշակմանն ու իրագործմանը: Մենք վստահ ենք, որ դրան կարելի է հասնել հաճախորդների հետ սերտ համագործակցության միջոցով` նրանց համար մշակելով բազմազանեցված ներդրումային ծրագրեր, որոնք նպաստում են ներդրված կապիտալի պահպանմանը, ընթացիկ եկամուտների աճին և կապիտալի հետագա արժեքավորմանը:
ԱՐՄՍՎԻՍԲԱՆկ-ն ակտիվ գործունեություն է ծավալում ՀՀ արժեթղթերի շուկայում և իր հաճախորդներին առաջարկում է ընդլայնել իրենց ներդրումային հնարավորությունների շրջանակը և օգտվել իր հետևյալ ծառայություններից ինչպես Հայաստանի, այնպես էլ միջազգային արժեթղթերի շուկաներում.

Բրոքերային ծառայություններ


Բրոքերային գործունեության շրջանակներում Բանկն իր անունից և հաճախորդի հաշվին կամ  հաճախորդի անունից և հաճախորդի հաշվին հաճախորդի հանձնարարականների հիման վրա իրականացնում է արժեթղթերի առք/վաճառք, ինչպես նաև այլ գործողություներ և գործարքներ` կապված բրոքերային գործունեության իրականացման հետ:

Բանկը` որպես բրոքեր, իր հաճախորդներին տրամադրում է հետևյալ ծառայությունները`

- արժեթղթերի (այդ թվում ածանցյալ արժեթղթերի) գնման կամ վաճառքի հանձնարարականների ընդունում, հաղորդում և/կամ կատարում, հաճախորդի հաշվին և միջոցներով արժեթղթերով գործարքների (այդ թվում` ռեպո գործարքներ)իրականացում, Դառնալով ԱՐՄՍՎԻՍԲԱՆԿԻ հաճախորդ և օգտվելովբանկի կողմից առաջարկվող բրոքերային ծառայություններից` Դուք ունեքհնարավորություն ներդրումներ կատարել ստորև նշված ֆոնդային բորսաներումգնանշվող արժեթղթերում.

Ֆոնդային բորսաներ

Բրոքերային գործունեության իրականացման կանոններ (Ուժի մեջ է 01.11.2009թ-ից)

Կապի միջոցների օգտագործմամբ հաղորդագրությունների փոխանակման ընթացակարգ

Շահերի բախում

Պատվերների կատարման ընթացակարգ

Բողոքների քննարկման ընթացակարգ

Բրոքերային ծառայությունների մատուցման սակագներ  (Ուժի մեջ է 01.02.2010թ-ից)

Ֆյուչերսային պայմանագրերով բրոքերային գործարքների սակագներ


ՈՒՇԱԴՐՈՒԹՅՈՒՆ`Բրոքերային ծառայությունների մատուցման պայմանագիրն ուժի մեջ է մտնում և պարտադիր է դառնում կնքելու պահից և գործում է անժամկետ:

Պայմանագիրը կարող է հաճախորդի կողմից միակողմանիորեն լուծվել` Բանկին առնվազն 10 օր առաջ տեղեկացնելու պայմանով: Պայմանագիրը լուծելուց հետո` 3 բանկային օրվա ընթացքում, Բանկը պարտավոր է հաճախորդին կամ նրա լիազոր ներկայացուցչին փոխանցել հաճախորդին պատկանող արժեթղթերն ու դրամական միջոցները:

Բացի այդ պատվերում նշված պայմաններին համապատասխան գործարքների կատարման դեպքում արժեթղթերում ներդրման հետ կապված ՌԻՍԿԸ ԿՐՈՒՄ Է ՀԱՃԱԽՈՐԴԸ: Բանկը ՉԻ ՓՈԽՀԱՏՈՒՑԵԼՈՒ  հաճախորդի վնասները, եթե դրանք չեն պատճառվել Բանկի կողմից անբարեխիղճ վարքագծի արդյունքում:

Արժեթղթերի պահառության ծառայություններ


Արժեթղթերի պահառության գործունեությունը արժեթղթերի պահպանության, պահառության և արժեթղթերի նկատմամբ իրավունքների հաշվառման ու փոխանցման գործունեությունն է:

Արժեթղթերի պահառության շրջանակներում Բանկը հաճախորդներին առաջարկում է հետևյալ ծառայությունները`
  • Հաճախորդի արժեթղթերի նկատմամբ իրավունքների և պարտավորությունների գրանցում.
  • Հաճախորդի արժեթղթերի անվանատեր հանդես գալը.
  • Հաճախորդի համար առանձին դեպո հաշվի բացում և վարում.
  • Հաճախորդին արժեթղթերի վերաբերյալ թողարկողից, Կենտրոնական դեպոզիտարիայիցև այլ պահառուից ստացված ամբողջական տեղեկատվության տրամադրում.
  • Արժեթղթերի պահառությանն առնչվող և օրենքով թույլատրվող այլ ծառայություններ:
Արժեթղթերի պահառության գործունեության կանոններ

Արժեթղթերի պահառության գործունեության սակագներ

Արժեթղթերի թողարկման կազմակերպման և տեղաբաշխման իրականացման ծառայություններ


Ներդրումային բանկային ծառայություններ մատուցելու իր ռազմավարական գործառույթի շրջանակներում բանկն աջակցում է տեղական խոշոր ընկերություններին`ֆինանսական միջոցների հավաքագրման գործընթացը կազմակերպել արժեթղթերի թողարկման և տեղաբաշխման միջոցով: Ֆինանսական ընկերություններին նաևառաջարկվում է համագործակցել արժեթղթերի երաշխավորված տեղաբաշխմանգործընթացին` սինդիկատ ձևավորելու միջոցով:
Արժեթղթերի թողարկման և տեղաբաշխման ծառայություններն ընդգրկում են`
  • ներդրումային նախագծի բիզնես-պլանի մշակմանն աջակցություն և գնահատում,
  • արժեթղթերի թողարկման էական պայմանների որոշում,
  • թողարկման որոշման և արժեթղթերի ազդագրի պատրաստում, ինչպես նաև ազդագրիպետական գրանցման գործընթացում պատշաճ ներկայացուցչության ապահովում,
  • պոտենցիալ ներդրողների բացահայտման աշխատանքների իրականացում (անհատական հանդիպումների, ռոուդ-շոուների կազմակերպման միջոցով),
  • արժեթղթերի տեղաբաշխման կազմակերպում և պետական լիազոր մարմնին տրամադրվող հաշվետվության կազմում,
  • հաճախորդներին արժեթղթերից բխող պարտավորությունների կատարման երաշխիքների տրամադրում,
  • երկրորդային շուկայում արժեթղթերի իրացվելիության ապահովմանն ուղղված միջոցառումների իրականացում,
  • արժեթղթերի տեղաբաշխման և մարման կազմակերպման առնչությամբ բանկային հաշվարկային ծառայությունների տրամադրում,
  • արժեթղթերի թողարկման, տեղաբաշխման, շրջանառության և մարման սպասարկման հետ կապված այլ ծառայություններ:

Իրականցված թողարկումներ


Ստորև ներկայացված հղումներով կարող եք  ծանոթանալ ՆԱՍԴԱՔ ՕԷՄԷՔՍ Արմենիա-ի և Հայաստանի Կենտրոնական Դեպոզիտարիայի կանոնադրութունների և կանոնների վերջին տարբերակներին` գրանցված ՀՀ Կենտրոնական բանկի կողմից:

http://www.nasdaqomx.am/am/cda_rules.htm

http://www.nasdaqomx.am/am/rules.htm

Լրացուցիչ տեղեկությունների համար կարող եք դիմել մեզ:




*Հայերեն և անգլերեն լեզուներով հրապարակված տեղեկատվության միջև որևէ անհամապատասխանության առկայության  դեպքում անհրաժեշտ է ղեկավարվել հայերեն տարբերակով:
Թարմացվել է` 22.01.2010թ. 17:35