ԱՐՄՍՎԻՍԲԱՆԿում հաշիվ բացելու և բրոքերային ծառայություններից օգտվելու համար անհրաժեշտ է պատշաճ կերպով լրացնել և ԱՐՄՍՎԻՍԲԱՆԿի համապատասխան էլ. հասցեին ուղարկել բրոքերային ծառայությունների համար բանկային հաշվի բացման հայտը, ինչպես նաև վերջիններիս կցված Ձեր անձնագրի գունավոր լուսապատճեն:

Բանկն ուսումնասիրում է Ձեր տվյալները և 1-2 աշխատանքային օրվա ընթացքում Ձեր էլ. հասցեով տեղեկացնում է հաշիվ բացելու և բրոքերային պայմանագիր կնքելու հնարավորության կամ անհնարինության մասին: Նշենք, որ Բանկն իրավունք է վերապահում իր հայեցողությամբ մերժելու հաշվի բացումը` առանց պատճառաբանության: Դրական պատասխանի դեպքում նամակին կցվում են բոլոր այն փաստաթղթերը, որոնք Դուք պետք է տպեք, ստորագրեք և բնօրինակները փոստով ուղարկեք ԱՐՄՍՎԻՍԲԱՆԿ, իսկ դրանց տեսապատճեն` Բանկի համապատասխան էլ. հասցեին: Միևնույն ժամանակ Բանկը Ձեզ կուղարկի տեղեկություններ Ձեր հաշիվների և գումարը ԱՐՄՍՎԻՍԲԱՆԿ փոխանցելու վերաբերյալ: Նախքան փաստաթղթերի բնօրինակները ստանալը Ձեր հաշիվը լիարժեք ակտիվացված չի լինի (այսինքն` Դուք կարող եք գնել ԱՐՑԱԽ ՀԷԿ ԲԲԸ-ի արժեթղթեր սակայն վաճառել չեք կարող): Փաստաթղթերի բնօրինակները ստանալուն պես Ձեր հաշիվը կակտիվացվի, ինչպես նաև Ձեր ցանկության դեպքում Ձեզ կտրամադրվի Ինտերնետ-բանկ համակարգից օգտվելու հնարավորություն:

Գումարը Դուք կարող եք փոխանցել միայն Ձեր անձնական բանկային հաշվից S.W.I.F.T. (Society for Worldwide Interbank Financial Telecommunication) համակարգով համապատասխան տիպի հաղորդագրությամբ, այլապես ԱՐՄՍՎԻՍԲԱՆԿը Ձեր գումարը չի ընդունի:

ԱՐՑԱԽ ՀԷԿ ԲԲԸ-ի արժեթղթեր գնելու համար անհրաժեշտ է լրացնել սահմանված նմուշի պատվեր և սահմանված կարգով /էլ. փոստով, ֆաքսիմիլային հաղորդագրության միջոցով/ ուղարկել Բանկ կամ հեռախոսով ներկայացնել համապատասխան պատվեր: ԱՐՑԱԽ ՀԷԿ ԲԲԸ-ի արժեթղթերի գնանշումներին Դուք կարող ծանոթանալ ԱՐՄՍՎԻՍԲԱՆԿի հիմնական և ներդրումային կայքերում ինչպես նաև մասնագիտացված այլ կայքերում հետևյալ հասցեներով`

www.armswissbank.am
invest.armswissbank.am
ԱՐՄՍՎԻՍԲԱՆԿի պաշտոնական էջը Բլումբերգում:` ASWI
ՆԱՍԴԱՔ ՕԷՄԷՔՍ Արմենիա, http://www.nasdaqomx.am/am/
http://www.artsakhhpp.com (ԱՐՑԱԽ ՀԷԿ-ի արժեթղթերի համար)

Ձեր պատվերի հիման վրա Բանկը գործարքի օրվա Բանկի կողմից սահմանված արտարժույթի առքի փոխարժեքով փոխարկում է Ձեր հաշվին առկա արտարժույթը ՀՀ դրամի և ձեռք է բերում ԱՐՑԱԽ ՀԷԿ ԲԲԸ-ի արժեթղթերը գործարքի օրվա դրությամբ ՆԱՍԴԱՔ ՕԷՄԷՔՍ Արմենիա բորսայի հարթակում գնանշված արժեքով: Գործարքը կատարելուց հետո Բանկը Ձեզ կուղարկի գնման վերաբերյալ քաղվածք` նշելով ձեռք բերված արժեթղթերի քանակը և գումարը: