ԱՐՄՍՎԻՍԲԱՆԿ-Ի ՖԻՆԱՆՍԱՎՈՐՄԱՄԲ ՇԱՀԱԳՈՐԾՄԱՆ Է ՀԱՆՁՎԵԼ «ԱՐՓԻՆԵ -1» ԱՐԵՎԱՅԻՆ ԱՐԴՅՈՒՆԱԲԵՐԱԿԱՆ ԿԱՅԱՆԸ
Օգոստոսի 14-ին Կոտայքի մարզի Սոլակ համայնքում կայացավ «Արփինե -1» արևային արդյունաբերական կայանի բացման պաշտոնական արարողությունը։
Նախագծի մասին հայտարարվել էր շուրջ մեկ տարի առաջ։ Ֆինանսավորման և մատակարարման աշխատանքների ավարտից հետո, հուլիսին տրվել էր կայանի կառուցման մեկնարկը։ Տեղադրված դրվածքային հզորությունը կազմում է 1.2 ՄՎտ (ֆոտովոլտային հզորությունը՝ 1,5 ՄՎտ)։ Կիրառվել են միջազգային շուկայում ներկայում ամենաժամանակակից՝ bifacial half-cut վահանակներ, որոնք էլեկտրաէներգիա են գեներացնում դիմային և հակառակ երեսներով։ «Արփինե_1» արդյունաբերական արևային էլեկտրակայանը սփյուռքի կողմից ՀՀ-ում ներդրման լավագույն օրինակներից է, քանի որ ներդրումները կատարվել են ամերիկահայ գործարարների կողմից։ Այն տարեկան կարտադրի 2,25ԳՎտժ էլեկտրաէներգիա, կնվազեցնի շրջակա միջավայր ածխաթթու գազի արտազատումը տարեկան 530 տոննայով։
«Արփինե-1» արևային էլեկտրակայանը նախագծվել և կառուցվել է «Ռենյուաբլ Քոքասըս Քորփորեյշն» ընկերության կողմից (Սաննի Սիթի բրենդ)։ Կայանը զբաղեցնում է շուրջ 2հա տարածք, որտեղ տեղադրվել են 2,654 հատ երկկողմանի վահանակներ: Ներդրումների ընդհանուր ծավալը կազմել է շուրջ 800,000 ԱՄՆ դոլարին համարժեք դրամ:
Կայանը ֆինանսավորվել է «ԱՐՄՍՎԻՍԲԱՆԿ»-ՓԲԸ-ի կողմից։ Հատկանշական է, որ կայուն ֆինանսավորումը, այդ թվում Վերականգնվող էներգիայի ֆինանսավորմումը Բանկի ռազմավարական ուղղություններից է և վերջին 3 տարիների ընթացքում Բանկն արդեն իսկ ֆինանսավորել է 100-ից ավել արևային համակարգերի նախագիծ։
**********************************
«ՌԵՆՅՈՒԱԲԼ ՔՈՔԱՍԸՍ ՔՈՐՓՈՐԵՅՇՆ» ՍՊԸ-ն (Սաննի Սիթի) հիմնադրվել է 2016թ.-ին: Լինելով վերականգնվող էներգիայի ոլորտում ծառայություններ մատուցող առաջատար կազմակերպություններից մեկը Հայաստանում, ընկերությունը առաջարկում է արևային, քամու էներգիայի, էներգաարդյունավետության ոլոտներում ծառայությունների շարք, ինչպես նաև հանդիսանում է մի խմբի մաս, որի շարքում առկա են էլեկտրական մեքենաների, շինարարական ժամանակակից տեխնիկաների ներմուծմամբ և վաճառքով զբաղվող ընկերություններ:
«ԱՐՄՍՎԻՍԲԱՆԿ» ՓԲԸ-ն հիմնադրվել է 2004թ-ին: Լինելով դինամիկ զարգացող ֆինանսական կառույց` Բանկն իր գործունեությունը ծավալում է կորպորատիվ և ներդրումային բանկային ծառայությունների ոլորտում` առաջարկելով միջազգային բանկային համակարգում ընդունված ինչպես ավանդական, այնպես էլ նորագույն ֆինանսական լուծումներ: Բանկի ռազմավարական ուղղություններից է հանդիսանում նաև վերականգնվող էներգիայի, այդ թվում՝ արևային կայանների, էներգաարդյունավետության և ժամանակակից գյուղատնտեսական նախագծերի ֆինանսավորումը:
