Ձեր հեռախոսահամարը չի հրապարակվելու: Պահանջվող դաշտերը նշված են *
ԱրմՍվիսԲանկը հպարտությամբ հայտարարում է, որ «ArmSwissBank Leads Climate Intelligence: Sustainability in Action» հաղորդակցման արշավն արժանացել է Բրոնզե մրցանակի Davos Communications Awards 2026-ում "Sustainability Communications Campaign" անվանակարգում։
Մրցանակաբաշխությունը տեղի է ունեցել ապրիլի 23–24-ին Դավոսում կայացած Davos Communications Summit & Awards 2026-ի շրջանակում, որը կազմակերպվել էր Համաշխարհային հաղորդակցության ֆորումի ասոցիացիայի (WCFA) կողմից։ Միջոցառումը համախմբել էր ռազմավարական հաղորդակցության ոլորտի համաշխարհային առաջնորդներին և ներառել էր ավելի քան 120 հայտ 25 երկրներից՝ ընդգծելով ոլորտի գերազանցությունն ու նորարարությունը։
Այս մրցանակը արտացոլում է ԱրմՍվիսԲանկի ռազմավարական հանձնառությունը՝ դիտարկելու կայունությունը ոչ միայն որպես հաշվետվական պահանջ, այլ որպես ինստիտուցիոնալ փոխակերպման, կլիմայական գրագիտության և պատասխանատու ֆինանսավորման առանցքային շարժիչ ուժ։
Այն, ինչը Բանկում սկզբնապես ձևավորվել էր որպես կարողությունների զարգացման ներքին նախաձեռնություն, վերածվեց կայունության և կլիմայական գիտելիքների բարձրացման լայնածավալ հաղորդակցման արշավի։ Արդյունքում բանկի աշխատակիցները համակարգված կերպով ինտեգրել են կայունության սկզբունքները վարկավորման և ռիսկերի կառավարման գործընթացներում։
Բանկը էլ ավելի ամրապնդեց իր հեղինակությունը՝ հրապարակելով Հայաստանի առաջին` PCAF մեթոդաբանության վրա հիմնված ջերմոցային գազերի արտանետումների մասին հաշվետվությունը, և ինչպես նաև Կլիմայական անցումային ծրագիրը՝ ամրապնդելով իր դիրքը որպես տարածաշրջանում կայուն ֆինանսավորման հաղորդակցության ոլորտի առաջատար։
Չափելի արդյունքներից բացի, արշավը հանգեցրել է նաև խորքային մշակութային փոփոխության՝ կայունությունը դարձնելով առօրյա որոշումների կայացման անբաժանելի մաս։
Davos Communications Summit & Awards 2026-ում ստացած այս մրցանակը վերահաստատում է ԱրմՍվիսԲանկի հանձնառությունը՝ զարգացնելու կլիմայական կարողությունները, պատասխանատու բանկային գործունեությունը և կայուն զարգացումը՝ միաժամանակ ընդգծելով հաղորդակցության դերը՝ վստահություն ձևավորելու և էական փոփոխություններ առաջ մղելու գործում։
Մրցանակակիրների ամբողջական ցանկին կարող եք ծանոթանալ այստեղ:
WCFA կայքի «Նորություններ» բաժնում միջոցառման մասին հոդվածի պաշտոնական ամփոփումը այստեղ:
Բոլոր իրադարձությունները
