Սիրով տեղակացնում ենք, որ վաղաժամ տեղաբաշխվել է Բանկի AMSWISB2EER8 տարբերակիչ ծածկագրով թողարկման պարտատոմսերի ամբողջ ծավալը՝ 5 մլն եվրոյի չափով, որի տեղաբաշխումը մեկնարկել էր սույն թվականի սեպտեմբերի 22-ից:

Պարտատոմսերը տեղաբաշխվել են հրապարակային տեղաբաշխման եղանակով, և, թեպետ, նախատեսված էր այն իրականացնել մինչև 22.10.2020թ-ը, սակայն, դեռևս 25.09.2020թ-ի դրությամբ արդեն պարտատոմսերն ամբողջապես տեղաբաշխվել են:

Տեղաբաշխված պարտատոմսերի հիմնական պայմաններն են՝

• տեղաբաշխման ծավալը՝ 5,000,000 եվրո,
• մեկ պարտատոմսի անվանական արժեքը՝ 100 եվրո,
• պարտատոմսերի քանակը՝ 50,000 հատ,
• արժեկտրոնային եկամտաբերությունը՝ տարեկան 3,5%,
• արժեկտրոնի վճարման պարբերականությունը՝ կիսամյակային,
• շրջանառության ժամկետը՝ 5 տարի:

Ներկայումս Բանկի պարտատոմսերի 11 թողարկում (5 թողարկումն արտահայտված է ԱՄՆ դոլարով և ընդհանուր ծավալը կազմում 41 մլն ԱՄՆ դոլար, 3-ը՝ ՀՀ դրամով՝ 18 մլրդ ՀՀ դրամ և 3-ը՝ եվրոյով՝ 23 մլն եվրո) գտնվում է շրջանառության մեջ և ցուցակված է Հայաստանի ֆոնդային բորսայում: Պարտատոմսերի իրացվելիության ապահովման նպատակով Բանկն օգտվում է շուկա ստեղծողի ծառայություններից՝ ապահովելով Բորսայում պարտատոմսերի երկկողմանի գնանշումներ: